Rime diverse in lingua genovese/Se questa è neive chi ven da ro Cè
| ←Se con un Zove unna Fantinna avanti | Rime diverse in lingua genovese de Se questa è neive chi ven da ro Cè |
Za i homi de trent'agni eran figiuoe→ |
| da-e Rime diverse in lingua genovese, Bartoli, Pavia, 1588 cangiòu e u in v e viçeversa; clicca i asterischi pe l'errata corrige |
Se questa è neive chi ven da ro Cè
Come a ra sò gianchezza vei me pà
Come diavo ghe puoe drento stà
Ro fuoego, chi me bruxà si crudè?
5Se l'è un marmaro giancho dritto in pè
Come ra sò durezza puoè mostrà,
Come diavo fallo à caminà
E a tirà frecchie come un barestrè?
Ma se l'è Donna pù de carne, e d'osse
10In terra come apà, ben hò certezza
Che vei chiù bella cosa no se posse.
Che l'è chiù bella dra mesma bellezza
E chiù bella sareiva s'a no fosse,
Chiù dura ancora dra mesma durezza.