Rime diverse in lingua genovese/Gren ville hemo dattorno à ra Cittè

Da Wikivivàgna
Sata a-a navegassion Sata a-a serchia
Rime diverse in lingua genovese de Poro Foggetta
Gren ville hemo dattorno à ra Cittè
da-e Rime diverse in lingua genovese, Bartoli, Pavia, 1588
cangiòu e u in v e viçeversa
clicca i asterischi pe l'errata corrige
[p. 25 modifica]

Gren ville hemo dattorno à ra Cittè
Re que venzan con l'arte ra natura

[p. 26 modifica]

Chi han sempre belle scioi, frute e verdura,
E pareixi terrestri son chiame,*

5E in queste ville hemo paraxi asse*
Grendi, e ben feti per architettura,
Con dre fontanne belle otra mezura,
De marmaro scorpie e nature.*

Ma che ne zoa havei si belle ville
10Se quando è tempo goe no re poemo,
Perchè chiu n'hemmo à Zena unna garia?

E conven che ra guardia in villa femo,
Perche à trovà ne vennan corsè mille,
Ri que ne menan se dormimo via.

15Sun fusta, ò sun garia:
E i homi, e donne nue fuze fan,
Ni à piggià braghe, ò camixette, stan,

Che mostran quello ch'han:
E se ben torre, e guardie in villa femo,
20Da ri corsè piggiase ancon vegghemo.

E intrà se ri veiremo.
Dentro de Zena non che intri giardin,
Se à fa garie no tornemo infin.