Rime diverse in lingua genovese/A-o Steva Carmagnœua

by Cristoffa Zabata

←A ro segnô Gian Pero Crollalança

Rime diverse in lingua genovese de Cristoffa Zabata A Steva Carmagnœua

A-o mæximo→

da-e Rime diverse in lingua genovese do 1588
cangiòu e u in v e viçeversa; clicca i asterischi pe l'errata corrige

AL SIGNOR STEFANO
Carmagnuola
CRISTOFFA ZABATA

Segno* STEVA, savei quanti agni son
Che ve cognosso, e vui cognossei mi,
E dei savei mesimamente, assi,*
Che sempre v'hò tegnuo per me patron,

E se ben, no m'ei deto occaxion
Moe* de servive, no è mancaou da mi
Ma ben da vui, chi m'ei tegnuo fin chi
Che no sea fossa per servive bon

Ma sea como se vuoeggia, hora ve prego
Che ve chiaxe de famme esto favò
(Se Dè ve daghe zò che dexirè,)

Che in bonna gratia de vostro Cugnò
Crollalanza gentì, me conservè,
In servixo dro quà moe* sarò pego.

Che de vui megio Mego
No posso a fà quest'uuovera trovà
Ni chi chiu vorrentè rà deggie fà.

Procurè che accettà
Ghe chiaxe inseme questo me presente
A ro solito sò cortesemente

Che Dè tegne a vui rente
Sanna prosperitè d'ogn'hora, e in bando
Ro so reverso, e a vui m'areccomando.