Rime diverse in lengua zeneise/Resposta dro Montado
| ←A Montado | Rime diverse in lengua zeneise de Resposta dro Montado |
Se bella Mina pù tanto gusté→ |
| acento grave = vocale curta - acento aguçço = vocale longa; clicca o nummero da paggina pe 'n rafronto co-a transcriçion diplomattica |
Ancon che fosse, come voi dí, grosso
Foggetta, ro mé cuò, voi dri chiumetti
Havei ben scritto, e se ben poco adosso
A re donne voi sté, derré a sonetti
No manché d'ess[e], ni vá dí: "no posso
perchè son vegio", che se ri galletti
Ni a ló ni a figge no poei chiù levá
D'andaghe ancon derré no poei lasciá
E ri guersi d'un oggio ancon ghe ven
Megio de chi n'ha doi no gueri boin
Ni per questo mi diggo che no sen
Piggiè spesso caniggie per brignioin
Ma questa votta v'asseguro ben
Ch[e] sarei voi ro poere dri menchioin
Se reffué ra vostra mesma roba
Perche quanto un chiù n'ha, tanto chiù arroba