Ra cittara zeneize 1636/Strenzime Amo che vaggo in taggiarin
←torna a l'èndexo | Ra cittara zeneize de Amoî Servî |
In cangio d'allegrame, havei per fruta→ |
Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Strenzime Amo che vaggo in taggiarin
Diggo dentro me cuoe, quando intri pe
Me ven Zaninna, e me pa d'esse in Cè,
(De me perdonne) un'atro Cherubin.
Come s'à fuisse un spegio crestallin.
Me ghe spegio; ra miro, e in sciù duoi pe
R[e]sto li drito com'un candere;
Me poero un chì s'assuoenne à ra mattin.
Segno, digo in mì mesmo, e dond'hà moæ
Formou tente bellesse tutte in semme,
E tente gratie ra Natura, e tæ?
Queste in somma son gratie troppo estremme
Per quarche gran miracoro mandæ
Cosi resto li mutto, e pa che tremme.