Ra cittara zeneize 1636/Questo gran So, chi ne pertuza, e scotta

Da Wikivivàgna
Ra cittara zeneize de Gian Giacomo Cavallo
Amoî Mainæschi
Zena, Gioxeppe Pavon, 1636
In corscivo e ligatue. Gh'amanca i acenti aguççi.


[p. 105 modifica]

Questo gran So, chi ne pertuza, e scotta;
Chi ne secca re venne, e n'assassinna,
In Paragon dro So dra mæ Maxinna,
E chiù tosto che So Lunna marotta.

Questo in vintiquattr'hore piggia votta
In ponente ogni seira ò se confinna;
Quello in un mezodì, chi nò declinna
Fà strixella fin à ri petabotta.

Ra mæ Maxinna è un So fæto à sò posta;
So tanto bello, che stravisto à caxo
Fà fa segni de croxe d’esta posta.

Mà visto; ma spegiou, fisso, e abellaxo
Fà da dentr’unna frevemadecosta.
Giudiche oura ro mondo ro me caxo.