Ra cittara zeneize 1636/Minetta, me ne vaggo quanto posso;

Da Wikivivàgna
Ra cittara zeneize de Gian Giacomo Cavallo
Amoî Çivî
Zena, Gioxeppe Pavon, 1636
In corscivo e ligatue. Gh'amanca i acenti gravi.


[p. 9 modifica]

Minetta, me ne vaggo quanto posso;
Muoero, me cuoe, ma muoero desgustou
Che se vaggo de là sarò forsou
A descrovive à vuoi ra porpa, e l'osso.

Che se vuoi me mettei ra morte addosso,
Me mandæ sotteterra desperou,
Se sarò d'ogni cosa interrogou
Come posso passamera de grosso?

Mæ Cuoe, tremmo de dira, e che doruoi
Saran ri me de veime in quello intrigo?
Annima cara, che sarà de vuoi?

Minetta, puei schiva questo perigo,
Dighemosera netta chì tra nuoi,
Dunca vorei fa rie l'innemigo?