Ra cittara zeneize 1636/De vuoi, che dra mæ Muza hei dito tanto

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Lengua Zeneize

Se ben trattando ro mesté dra Guerra→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

AL SIG. GABRIELLO

CHIABRERA

In ricevuta del suo Elogio.

De vuoi, che dra mæ Muza hei dito tanto
Come porrò, Grandissimo Chiabrera,
Di mì cosa bastante à mostra ciera,
Che d'un verme son minimo attretanto?

Se ro Coro dre Muze sacrosanto,
Che moæ in Parnazo no ve ten portera,
Ve spende trà ri cigni dra sò schera
Per Gabriello Angelico à ro canto?

Taxerò donca, e con ossequio interno
Saran da mì re grazie reverie,
Onde per vuoi me veggo fæto eterno.

Vuoi, ch'havei ri Poemmi in sciù re die
Cantando me trarei da questo inferno,
Così vivendo Vuoi, vivero mie.