Ra cittara zeneize 1636/Da mì infuoera e chi, me cuoe, pensavo

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Amoî Çivî

Dro torto, che receivo in questo Mondo→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

Da mì infuoera e chi, me cuoe, pensavo
Che à tanto fuoego pueise moæ resiste?
Solo se per miracoro de Christe,
Vegnisse dall'Inferno ro Diavo?

Per saveira, me cuoe, consideravo
C'hei dà da cuinto, Corpo d’Antechriste?
Zà c'havei tanta fassa da persiste,
Dri me stenti che cuinto me ne dâvo?

Ri me suuoi (se ben no son chiù me,
Che ra vostra conscentia ri ha conseigo)
Ve ri protesto, e sbatto chi à ri pe.

Zà che con lo nò v'onzo, ni ve freigo,
Donna, ri dagho (se no pecco à De)
A ro Diavo. Gexo sæ comeigo.