Ra cittara zeneize 1636/Atri passan montagne, atri marinne

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Do Gian Steva Çiogno

S'in forma de pescou de scoeggio in scoeggio→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

DEL SIGNOR GIO. STEFANO CERONIO. NOTARO. Atri passan montagne, atri marinne Per fase in cò dro mondo mensuna; Atri s'acchiappan quarche moschetta A re fiandre, verrue, o Valtellinne; Atri son che dri agni re vintinne Perdan apruoeo à quarche Cardena, Sperando ò deggie Pappa deventa Si ben spesso de mosche han re muen pinne. Re gente, chi no voeran moæ mori Tutt'este cose fan, e dri atre assæ Per fa de lo quarcosa sempre dì; Perche dunca ri versi nò stampæ, Vorræ savei, Cavallo, è a Zena, è a Vuoi Senza caxon così gran torto fæ. Se De commoditæ V'ha dæto de di ben fra ri zeneixi, Chiù che à Marron in quelli suoe pae[i]xi, Færo perche ben speixi Ri agni, che fuzan tanto astallerei, E à despeto dro tempo scamperei.

RISPOSTA Sciù re gambe de læte, e tenerinne Figioe comensa à penna à trappella L'hommo, che per instinto natura Mostra, onde chiù ro genio ro destinne. Zovenetto, affrecchiou da mille spinne In sospiri d'amo s'ode desfa; Hommo, mille capricij fomenta: Vegio, tirase apruoeo mille rovinne.   Ri agni, chi moæ no sessan de corri Mettan ro marco à questa veritæ; Tromba à ro Mondo son dri suoe nescioi. Ben hà quell'ommo dra divinitæ Ceronio, che ra morte sà fuzi Con versi figgi dell'eternitæ: Vuoi che sì naturæ, (Ond'oura mì ri fasso à puinti preixi,) Ri havei sempre à ra man belli desteixi,   Per astalla ri meixi, Che dì che fuzan fæne fin che poei, Che à ra Muza ro tempo addormirei.