Poesie drò Signò Giurian Rossi/Introduttion de serta causa avanti il ser.mo Senato
| ←torna a-a lista di atri scriti | Introduttion de serta causa avanti ro ser.mo Senato de |
| da-o manoscrito Ricci 177 do Comun de Zena, www.storiapatriagenova.it tra parentexi quaddre e lettie da azonze, tra e tonde quelle da esponze; clicca in sci asterischi pe de verscioin alternative da i atri ms. da collession Ricci pe rende 'n po ciu lezibbile o Portolian da Polonnia Bada, l'apostrofo in prinçippio de paola o l'indica a cheita da "v" (ez. 'eiteo = veiteo) |
Alessandro Spinola
Duce di Genova
Introduttione di certa causa avanti
al Ser.mo Senato.
Suonò Liguria mille cetr'e mille
Quand'il grand'Alessandro al Trono ascese,
A coronarlo di lode il Ciel sortille
Lingua innocente a celebrarle intese
Femina vil, ma schietta ancora ordille
Semplici applausi, ch'ei gradì cortese.
Tal già col suon di quel cantore illustre
Gradita garreggiò(sic) cicala industre.
2.
Elo un foò chi gh'è chi stamattin.
Die sarve 'ossignoia signò Lustrissimo,
Zieve in sà comà Madarenin,
Da a fioeua se ghe vè benissimo.
Scio Portonatto allarghe chì un stizzin,
Tanto che 'imo un po o Seendissimo.
Ah, o miè vegetto 'eiteo là assettoù,
Paello un San Gioxeppe li spuoù.
3.
Mirè Comà, fè un pò reffettion
Sciù quell'arbò, chi pà torta de riso.
Alo un'oeggio benigno, in concruxion
Ò paello vegnuo d'in Paladiso[?]
Dixe chì o Bonsignò bonna raxon,
Che chi è bello de drento è bello in 'Iso.
Desfiguelo un po d'in cima à fondo,
Ghe n'elo un atro in o reerso Mondo[?]
4.
Liè sà de lettea, e l'è da ben, che moè,
L[']è 'igilante a o ciocco dro Battesto.
Liè stà a sentì, e spedì con caritè,
Preche o primmo scopolo l'e questo.
Avantiei seia ieimo chì dòtrè,
O ne spedì a porta cosi presto,
Che e gente dixeian: comme falo[?]
In fin se stenteè à trovà un so palo.
5
E foscia che messè Dome[ne]ndè
No desponde e cose comme 'an;
Se d'un homo prefetto, come liè,
N'haveimo nescitè chiù che de pan.
Foscia ch'o n'è melleme in to mestiè,
Ch'o no i ha tutte lì sciù e die da man,
Ch'a o fondego se dixe in tutti i conti
Che o l'oè fà guerra, e fà mis,(sic) e monti.
6
Meschin, quando o fen, pre Pontexiello
Ziena bogia, e se n'annava in groia,
Che lì* s'odia a goa de laviello
Crià "Zana in Eserse" pre Portoia
"Pan grosso" se dixeiva questo e quello,
E pre fin l'orbo cantava l'Histoia.
Ogn'un dixeia: "No ghe n'è moè steto,
Sè benexio e balle chi l'han feto".
7
Ogn'un dixeia ch'o daà impimento
Ogn'un ghe l'ha aguoù, gran cosa è questa
Che mi gh'haveè zugoù sei contra sento.
O miè Seprian gh'haveè misso a tiesta
Polonia Bada? e 'iegno, anemo drento
Mannoè lasciame fà a mi a requesta,
Croeite o collo, 'iestite i guanti,
Signoi, fene un po largo davanti.
8
Seentissimi Signoi sanitè.
O Tenzoù chi dra porta d'Accazoea,
Da mi, e mè soè in solido esta stè
Accattà un Bosco ch'hemo li de foea,
E o ne buttà sciù solo a meitè
De quello chi ghe intrà, h[a]oa o trà foea
Prolichi, bibie, sgraxioe, e o fà o tresto,
Preche o pattisce a destanà o resto.
9
Sentì signoi; Maietta so moggiè
A l'ha unna Buttiega li da o Guastaoù,
E prechè a ghe l'ha missa in tiesta a liè,
Liè l'ha 'endua a o frè de sò cugnoù,
E miè cugnoù chi ha nome Bertomiè,
Gh'e introù liè assì, sò frè s'è rettiroù
E o voè che mè soè stagghe a sto partio
Pre a Buttiega dro frè de so maio.
10
Liè n'ha squarzoù a poisa, o leente
Marzio i Testimonij d[']uria e bu(r)ia.
Se noì se ghe mostremo, o se ressente,
Ghe 'en a stizza, o s'inersa, o s'infuia;
Haoa noi si 'oressimo a o presente
Un delicaoù chi giudiche d'ingiuia
Che e nostre raxoin consideasse,
Sciu questa cosa [e] o ne a nettezasse.
11
E con questo bon giorno a 'ossignoia.
Atto anemo Manoè, 'iegni treitoa
Che te ne pà, soniè steta sentia
Senza 'egnime i asche* d'intra goa[?]
Te pà ch'haggie sciù a lengua a peia?
Se to soè strenze l'oeggio ti è in mall'hoa
Ma se ti a perdessi, che parest[e]
Saressi tu acconza pe re feste
12
Ghe l'oeggio ancoè mostrà, se me ghe metto,
Che s'o l[']è furbo, i atri n'en mincioin,
Gh'oeggio ligaghe o Scrian a sospetto,
E mandaghe o Pronostico in Lattin.
Basta che vegghe lì quello vegetto
Chi ha in gianca tiesta rosso berettin
Da poè o scio Giulio Torre è tutto miè
Ti ghe o metti pre ninte ancoa liè.
13
O sciò Antogno Saoli a a so gratia,
Me demostra un amò strazordenaio
Esti doì stan defoera erba gratia
O sciò Monscia, e o sciò Stiea Maio
O sciò Nicolò Spinnoa no se satia
De mostrame affettion, e se o lunaio
No fa errò, o sciò Carro Impeià
Faè, me croù, pre mi, dro ben e dro mà.
14
O signò Serra è pronto se no m'arro
A usà sempre con meigo cortesia,
Dro sciò Marco Centuion ne ho caparro
Preche m'ha battezoù a mè Luzia
Quello zoe scio Nosentio, no ne parro
Preche da liè foì troppo ben sreia
Quando foi carzeoù o miè Seprian
O foi misso a ra larga l'un doman
15
Seto Manoè quando o te fè bruxà
De noette a porta quello to nemigo
Cose fè o sciò Gian Loise Caneà[?]
E o sciò Brenardo ne sreì da amigo
Pichei a Porta, e liè me fè montà,
E pre fà o sreixo in quest'intrigo
O l'izà sciu, me pà de 'eilo ancon
Così in sprescia inestì quello Robon
16
Ro sciò Roveioera* mie me l'alloego
Pre i besoegni dro miè Seprian
Mirè se son de caza, ro so coego
Pre 'ia de Donne è miè coxin zerman
Pre mi o se leveeia d'intro foego;
O scio Gian Battista Giustignan
Si che pre quanto foego haggie a re spalle
Miacoro che me manche este doe balle.
17
I signoi Lomellin quando me 'en
A festa che me fan no se poè dì
Preche si come son Donna da ben
Tutti me 'oeian poei affaoì
Ma se o Seendissimo me voè ben
Chiù che de tutti poemo stà a dromì
Quando ghe staa sotto in stradda Noea
Ch'o me dixeia: bella Reendeioea
18
Tutt'in fin m'oean ben, poè senza fallo
Sò, che gh'ho un secretaio chi me porta
Sto furbo infin se crè d'iesse a caallo,
Ma o no sà ancon cos'è depoì a porta
Oh meschin liè s'o fà cantà o Gallo,
O piggia oetto pre sento, ma n'importa
Voeggio andà da so Eminentia, e li de fuia,
Gh'oeggio fà unna queella de l'usuia.
19
Conosci tu o scrian sciò Badaacco[?]
Ghe n'oeggio annà a dì unna, chi è un pò piezo
Se m'incasco, che si che ghe l'attacco
Ghe smangia a questo chi o canoviezo
Si che o poè di oeio, o 'igiacco
Se o miè Seprian satasse a miezo
Preche, se a sangue cado o s'inversasse
A vegniè a spuzzà se liè gh'intrasse.
20
Taxi Manoè, che quello Zoe 'en
Chi va de drento con re balle attorno
Madonna, han feto ro sreixo ben
Così dixe ro Duxe, a Dio, bon giorno
Indie[!] che te ne pà, m'oello ben[?]
No se o credean* za staseia a o forno
Che o Duxe proeprio mande a dime a mie
Ch'o m'ha feto o sreixo, ella coscie!
21
Così dè iesse o Duxe, chi no lascie
Marzi e Donne à ra porta pre pregritia,
Che se e moen n'aggiuttan re ganascie
O poveretto se ne va in sperditia
Peò So Seenitè, chi e vè nasce
O ne fà ameistrà* bonna giustitia
Ch'o fa o so drito a tutti in geneà
Presto e ben, liè è o nervo principà.
22
Oh beneit'homo, che beneito sè
L'Angeo Chistòdio, chi ghe l'ha inspioù
Un come liè no ghe ne sarà moè,
Pre fà o sreìxo a tutti appareggioù.
Mi o me fa gratia in tanta conchitè,
Ch'oeggio annà in'Eigne* aoa intr'un scioù
E preche o m'ha agiutoù d'in sto besastro,
Gh'oeggio faghe a Noenna a o pilastro.