Piaggio M. - Poesie 1846/Esopo Zeneize/O Ratto in ta Formaggia e o Gatto

Da Wikivivàgna
Esopo Zeneize de Martin Piaggio
O Ratto in ta Formaggia e o Gatto
[p. 20 modifica]
FOA V.


O RATTO IN TA FORMAGGIA E O GATTO.


Unn-a votta ûnn-a Camëa,
Meza chêuga e despensëa,
A sentiva remesciâ
In despensa, e roziggiâ;

A se mette in aggueitêua
Da-o pertûzo da ciavêua,
A descrêuve ûn bello Ratto
Chi sgrannava ûnn-a formaggia;

Tûtta pinn-a allôa de raggia
A camminn-a a piggiâ o Gatto,
Te ghe o særa presto drento:
Rodilardo ben contento,
Coraggioso acciappa o Ratto,
Ghe dà sûbito recatto,
Poi cö mæximo coraggio
Mangia o resto do formaggio.

Quanti e quante ghe son,
Che pe ignoranza, e senza riflescion,
A-o mâ vêuan rimediâ
C'ûn rimedio ciù pezo assæ do mâ!