Pagina:U santu Evangeliu segundu Mattè.pdf/88

Da Wikivivàgna

68

s. MATTE.

23 E essendu andæti in Cafarnaum, quelli che riseveivan e dramme se sun avvixinæ a Pietru e g’han ditu: vostru Meistru u nu ê paga ê dramme?

24 E lê u g’ha rispostu de sci. E essendu intròu in caza, Gesü u l’ha prevegnüu dixendu: che te ne pâ о Scimun? i re da tæra da chi riseivan i tribüti о ê tasce? da i so figgieu о da i fuestê?

25 Da i fuestê, u g’ha rispostu. Gesü u g’ha ditu: dunque i figgieu sun ezenti.

26 Ma per nun dâghe mutivu de scandalu, vanni a u mâ, caccia u lammu e piggia u primmu pesciu che vegnià sciü, e aværtu a so bucca, ti ghe truviæ ün statere: piggilu, e paga per mi e per ti.


CAP. XVIII.

IN quellu maeximu tempu i discepuli se sun avvixinæ a Gesü dixendu: chi ti creddi u ciü grande ne u regnu du sê?

2 E Gesü avendu ciammòu ün figgieu piccin u l’ha missu in mezu a lu,

3 E u l’ha ditu: in veitæ ve diggu che se nu ve cunvertieì e nu diventieì cumme i figgieu piccin, nun intrieì ne u regnu du sê.