Pagina:U santu Evangeliu segundu Mattè.pdf/48

Da Wikivivàgna

28 s. MATTE.

paize di Geraseni, ghe sun vegnüi incuntru dui indemuniæ che sciurtivan da ê sepurtüe, e ean tantu füriuzi che nisciün poeiva passâ per quella stradda.

29 E se sun missi sübitu a sbraggiâ: cose emmu nuì da fâ cun ti, о Gesü figgiu de Diu? ti è furse vegnüu chì avanti tempu per turmentâne?

30 E gh’ea nun luntan da lu ünha mandra de porchi che pasculavan.

3l E i demonii u pregavan dixendu: se ti ne scacci de chì, mandine in quella mandra de porchi.

32 E lê u g’ha ditu: andæ, e quelli sciurtii, sun intræ in ti porchi, e sübitu tütta a mandra cun gran impetu a s’è presipitâ in mâ e sun morti in te l’ægua.

33 E i pastuì sun scappæ, e andæti ne a sittæ, han raccuntòu queste cose, e u fætu de quelli che ean stæti possedüi da i demonii.

34 E sübitu tütta a sittæ a l’è sciurtia incuntru а Gesü, e avendulu vistu, l’han pregòu cu se retiasse da i so cunfin.

CAP. IХ.

EMUNTÒU in t'ünha barchetta, u l’è passòu all’âtra spunda, e u l’è andætu ne a so sittæ.