Pagina:Tributo d'Elicona 1763, pp. 57 - 61.djvu/2

Da Wikivivàgna
CANÇON


Fœura fœura de chì seccante Musa
Zeneize, a non è questa
Per ro to chittarin
Istoria da cantâ. Basta per scusa,
Che vœu questa gran festa
Corde d'argento, e d'oro ri cantin.
Gran testa, e gusto fin.
Pêto de bronzo, e voxe de canon
Bastan a marapeña
A cantâ ra scaretta
Dra muxica, che vœu questa fonzion.
Da spaventâ ra veña
Ciù latiña, e ciù netta
De quanti moæ de Pindo in sciù ro scœuggio
Ra lellora han gustaò con l'orofœuggio.

2.
Ognun, chi dagghe a quello Trono un sguardo,
O ghe vedde là seze
Træ gran figure in ære,
Che vœun adorazion, ciù che resguardo;