 |
Questa pagina a no l'è stæta corretta. | |
21.
Tempo de compî l'œuvera è vegnuo.
Tra tanti mæ allevi,
Quello, che ha in man ro scettro, ho deçernuo
A’ començâ ri Duxi.
Vegniran doppo Lê ri figgi e i nevi,
Lista piña e desteiza,
Che all'affacciâse saran tutti incluxi;
Dro mæ ritardo splendida defeiza.
Ma l'ommo grande, giusto, e ben amao,
Giambatista Cangiaxo ho incoronao.
Aora parla, o me dixe, se ti sæ.
Ma re forçe mancando à ro vorei,
Taxi, contento de sentî, de vei.
Ne parlerà per ti l'eternitæ.
Torna à Paraxo, e bœuttate a ri pê
Dell'inclita Mixiña.[1]
Se con ra sò diviña
Graçia e manera a te darà un'œuggiâ,
Ra to vision ti faræ un dì stampâ.
DI MICRILBO TERMOPILATIDE P. A.
- ↑ La nobilissima e graziosissima Dama la Signora Tommasina, moglie del Sereniss. e figlia dell'amatissimo Cavaliere il Sig. Gio. Agostino Balbi q. Carlo.
