 |
Questa pagina a no l'è stæta corretta. | |
18.
Ve ro diran re lapide, e un bon coro
De gloriosi sasci[1]
Dri lô retræti, che respiran l'oro
In ogni tempo e stato
Da lô versao à piñe moen, à fasci,
Per sollevo de tutti,
Sença uña distinçion de basso ò d'âto.
Ospiæ, Monestê, Vidove, Putti,
Assegnamenti pubblici e segretti,
Soccorsi non stentæ, façili e netti.
19.
Ri ho intreççæ con altri sangui e nommi
In tutta Italia grandi,
Per memorie famose d'oro e d'ommi.
Pœuscia de passo in passo
Ri ho installæ in tutti ri comandi
De Magistrati e Gionte.
Ri ho assettæ in Trono d'âto e à basso:
E foì mi che ri ho missi à sêze in fronte
Dro Governo, e a toccâ ro primmo posto,
Da ro destin e mi à lô disposto.
20.
Ben fin d'allora à ro dissegno mette
Poeiva ro compimento,
E pubblicâ re traççe mê segrette,
Portando à ra Coroña
Un de lô per ro manco à poco stento.
Ma non saræ compia
Ra mæ fin, de fâ vei, che non se doña
In Zena dignitæ, se non finía
Ra carrera de chi serve à ro Stato,
E per finîra non se va de sâto.
- ↑ Nella Chiesa di S. Cipriano in Polcevera: Sepulcrum Barnavonii de Camblasio q. Segurandi, Hæredum & Successorum suorum anno 1330. Sepulcrum Segurandi de Camblasio, Hæredum & Successorum suorum. Fuit Vicarius Imperialis. Statua di Gio. M. Cambiaso all'Ospedale di Pammatone. Statua di Santino Cambiaso nel detto Ospedale. Il pubblico Palazzo ristorato ed ornato alla Reale.
