 |
Questa pagina a no l'è stæta corretta. | |
cosa v’avesse offeizo.... Ah! sì avanti che tirâ l’ultimo sospiro, ve prego con tutto o cœu de voeime perdonâ i mancamenti, che poesse aveì commisso particolarmente o sciô Argante, e o sciô Geronzio. Ah...
Arg. Per parte mæ mœuri contento, che te perdoño. Poveretto!
Mon. (a Geronz.) Voî signor seì o ciù offeizo da mì per quelle bastonæ...
Ger. No ne parlemmo ciù te perdoño mi ascì.
Mon. A l’è stæta veramente un insolenza de bastonave.
Ger. Quello chi è stæto, è stæto, no ne parlemmo ciù.
Mon. Ho un remorscio, che non ve posso spiegâ per quelle bastonæ, che...
Ger. Ma taxi un poco.
Mon. Ah quelle bastonæ... me stan...
Ger. T’ho dito che ti taxi: me scordo tutto.
Mon. Che gran bontæ! Ma sciô Geronzio me perdonæ de bon cœu quelle bastonæ che....
Ger. T’ho dito de scì: non ne stemmo ciù a parlâ: te perdoño tutto.
Mon. Me sento sollevaò de sentive parlâ in stà manera!
Ger. Te perdoño, te perdoño... con condizion però che ti deggi morî.
Mon. Comme signor?
Ger. Coscì diggo, se ti scampi me desdiggo de quello che ho dito.
