 |
Questa pagina a no l'è stæta corretta. | |
Ottavio, Tiburzio. (disperato)
Ott. Ah! che nœuva cattiva! e che nœuva destumagosa per un cœu innamoraò comme o mæ!... A che passo estremo me trœuvo reduto!... Dunque Tiburçio ti hæ sapuo, che me Poære è de retorno?
Tib. Sì Signor.
Ott. E ch’o l’arrivò stamatin mæxima?
Tib. Stamatin mæxima.
Ott. E ch’o ven resoluto de dame moggê?
Tib. Sì Signor.
Ott. E ch’o vœu che piggie a figgia do sciô Geronzio?
Tib. Do sciô Geronzio.
Ott. E che questa sò figgia ven a posta da Trieste?
Tib. Sì Signor.
Ott. E queste notiçie te i ha dæte mæ Barba?
Tib. Vostro Barba.
Ott. Che o i ha avue da me Poære per mezo de lettera.
Tib. Per mezo de lettera.
Ott. E ti dî che mæ Barba sà tutti i nostri intrighi?
Tib. Tutti i nostri intrighi.
