 |
Questa pagina a no l'è stæta corretta. | |
Ger. (come sopra) Che non ghe i perdoño, nè in vitta, nè in morte.
Mon. Benissimo. (come sopra)
Ger. (come sopra) E che s’o me ven in te ciote, ne farò vendetta crudelissima.
Mon. Sì signor.
Ger. (rimettendosì la borsa in sacoccia, e andandosene) Sbrigate subito, e và a rescattâ mæ figgio.
Mon. (correndo appresso a Geronzio) Oe, oe, sciô Geronzio?
Ger. Cose ghè?
Mon. E a monæa?
Ger. No te l’ho dæta?
Mon. Oh bella! se ve l’eì missa torna in a stacca!
Ger. Ah! o desgusto me leva a testa de cascia. Non sò cose me fasse.
Mon. Me ne son accorto.
Ger. Ma cose diavo o l’andava a fâ sciù sta gallera? ah maledetta gallera! treitô de corsâ vanni a caza do diavo. (dà la borsa a Monodda). (via)
Mon. (solo) O non pœu digerî questi çinqueçento scui, che gh’o atrapaò, ma non semmo ancora chitti fra noî doî. Vœuggio co me paghe d’un âtra monæa per a spia ch’o m’ha fæto con sò figgio.
