 |
Questa pagina a no l'è stæta corretta. | |
Ger. O non t’ha dito co vœu quattroçento scui?
Mon. Nò, nò, çinqueçento v’ho dito.
Ger. Çinqueçento scui?
Mon. E dalli! sì signor.
Ger. Ma cose diavo ælo andæto a fâ sciù stà gallera?
Mon. Eì raxon; ma sbrighæve.
Ger. Non gh’era altro lœugo d’andase a divertî?
Mon. Dî benissimo, ma ve diggo che fæ presto.
Ger. Ah maledetta gallera!
Mon. (a parte) Questa gallera ghe stà sciù o cœu.
Ger. Piggia chi Monodda, me ven in cœu, ch’o scœusso uña partia in tant’oro, che non me credeiva de doveine fâ quest’uso. (cava fuori di sacoccia una borsa, e la presenta a Monodda) va a rescattâ mæ figgio.
Mon. (porgendo la mano) Vaggo subito.
Ger. (ritenendo la borsa, che fa finta di dare a Monodda). Ma dî a questo iniquo, e scelerato corsâ co l'è a casa do diavo.
Mon. Sì signor. (sempre tendendo la mano)
Ger. (come sopra) Un infame.
Mon. (come sopra) Sì signor.
Ger. Un laddro, un ommo senza fede.
Mon. Lascæme fâ a mì. (come sopra)
Ger. (come sopra) O me piggia çinqueçento scui, contro ogni lezze de raxon, e de giustizia.
Mon. Sì signor.
