 |
Questa pagina a no l'è stæta corretta. | |
Ger. Che ti te ne vagghi a bordo de quello maledetto corsâ, che ti me mandi chì mæ figgio, e che ti resti là in pegno in cangio sò; fin a tanto che agge misso insemme questi dinæ co domanda.
Mon. Eh! v’assunæ sciô Geronzio. Figuræve se questo corsâ o l’ha coscì poco giudiçio de cangiâ vostro figgio, con un servitô, con un pelendon comme son mì.
Ger. Ma cose diavo ælo andæto a fâ sciù sta gallera!
Mon. S’o fosse stæto indovin, o non ghe saræ andæto. Aregordæve co m’ha dæto doe ore de tempo.
Ger. Ti dî co domanda?.....
Mon. Çinqueçento scui.
Ger. Çinqueçento scui? e dond’alo a conscienza?
Mon. Me ne rio. A conscienza d’un corsâ.
Ger. O sà cose son çinqueçento scui?
Mon. O sà che son doa miria çinqueçento lie.
Ger. E questo treitô o se credde, che se trœuvan per tæra?
Mon. Son gente, che non intendan de raxon.
Ger. Ma cose diavo ælo andæto a fâ sciù sta gallera?
Mon. Dî benissimo. Ma non saveivimo indovinâ quello chi è seguío. Sbrighæve.
Ger. Piggia, questa è a ciave do mæ armario.
(le dà una chiave)
Mon. Ben.
