 |
Questa pagina a no l'è stæta corretta. | |
Mon. Bezœugna co se sæ intanaò mi non sò donde!
Ger. (arrestando Monodda) Ti ê orbo? ti non me veddi?
Mon. Se non ghe stradda de pœive trouvâ!
Ger. E se l’ê un’ora che son davanti a i tò œuggi. Cos’è questa roviña?
Mon. (in atto di piangere) Sciô Geronzio....
Ger. Cose?
Mon. Vostro Figgio!...
Ger. E ben? mæ Figgio? (con ansietà)
Mon. O l'è cheito in uña desgrazia a ciù stravagante de questo mondo!
Ger. In che manéa?
Mon. L’ho trovaò là verso e muaggie de grazie sorva penscieri, e malinconico intorno a quello che aveivimo discorso per parte vostra. E semmo andæti passeggiando fin in sciù o mœu, per faghe passâ a malinconia, se semmo imbarchæ in sc’un gosso, e passando vexin a quella galera corsâ, un bello pezzo de Zoveno, che bezœugna co sæ o Capitañio n’ha inviaò a montâ a bordo, e o n’ha porzuo a man. Semmo montæ in galera. o n’ha dæto da merenda, emmo mangiaò di boin frûti de Barbaria, emmo bevuo do vin do Cappo, de Madera, e o n’ha fæto mille polizíe.
Ger. E questa l’ê a gran desgrazia?
Mon. Aggæ flemma. Mentre che mangiavimo
