 |
Questa pagina a no l'è stæta corretta. | |
Arg. Piggia chì te diggo, non me rompî ciù a testa (le dà i denari); ma guarda ben, de piggiâ e tò mezure.
Mon. Lascæme fâ a mì, che no son tanto inderê de scritura.
Arg. Mi te vaggo a aspetâ in casa. (via)
Mon. Stæ quieto, che sarò da voî. (solo) E un... Bezœugna che çerche l’âtro. Ma guardæ quando se dixe! o l’è giusto chì. Pâ che o Çê i faççe cazze in tro sorchetto un doppo l’atro.
Geronzio, Monodda.
Mon. Oh sangue di Bacco! che desgrazia! Povero Geronzio! Povero Poære!
Ger. (a parte) O parla de mì! cose dixello? o me pâ fœura de lê!
Mon. No ghe nisciun, chi me posse dî donde se trœuva o sciô Geronzio?
Ger. Cose ghe de nœuvo Monodda?
Mon. (correndo per il teatro senza voler vedere, nè sentire Geronzio) Se savesse dove incontraro per dighe questa desgrazia!
Ger. (correndo presso Monodda) Ma se pœu saveì?...
Mon. Perdo o tempo, e i passi per çercâ questo sciô Geronzio.
Ger. Se son chì!
