 |
Questa pagina a no l'è stæta corretta. | |
mondo, e o solo pensâ d’incaminâ uña lite saræ capaçe de fame scappâ da Zena, e andamene all’America a fâ o sordatto.
Arg. E quanto costerà questo mû?
Mon. Per o mû per o sò cavallo, per quello do servitô, per tutti i arneizi, pistolle et çettera, per pagâ l’ostessa a Locanda et çettera, o domanda in tutto duxento doppie.
Arg. Duxento doppie?
Arg. (camminando per il teatro in collera) Vœuggio litigâ. andemmo. andemmo. Duxento doppie? duxento bombe in to stœumago. (con enfasi)
Mon. Rifletteì.
Arg. Vœuggio litigâ.
Mon. Non ve metteì....
Arg. Vœuggio litigâ.
Mon. Per litigâ ghe vœu di dinæ a rebocco, e ve replico, che ghe n’è uña lista comme de Casaççe. No ve scordæ ve replico. Dottoî, Scrivan, Procuroì, spie, messi, appelli, giudiçii, Torsiman, regalli & çettera; e considero che se ghe dæ duxento doppie, ve ne resteran a dî poco çento çinquanta in stacca, senza contaghe i disturbi, i anxietæ, e i giorni cattivi, che passereì litigando. Quando non dovessi avanzâ âtro, che schivâ in publico e parolle ponzenti, e buffonate, che ve diran çerti Avvocati, che han a lengua in fî: ghe ne doveresci dâ trexento doppie ciù tosto che litigâ.
