 |
Questa pagina a no l'è stæta corretta. | |
Leandro solo.
Tradîme in stà manera! Un birbo, che per çento raxoin o deve êsse quello, chi ha da tegnî segrette e cose che ghe confio. andâ a fâ a spia con mæ poære! Zuro, che ne farò vendetta sciù e sò spalle.
Ottavio, Leandro, Monodda.
Ott. Caro Monodda quanto te son obligaò! Ti è stæto mandaò da o Çe per o mæ agiutto. Ti è un ommo, chi non ghe nè un pareggio sotto e cappe dro Çe.
Lean. Ah! ah! (vedendo Monodda) l'è chì quello pezzo de biforco! t’ho pù trovaò?
Mon. Ve son servitô sciô Leandro. Son grazie che me fæ.
Lean. (mettendo mano alla spada) Ti fæ o nescio? Ti fæ o buffon? Te mostrerò come se...
Mon. (in ginocchio) Sciô Leandro!
Ott. (ponendosi fra mezzo per impedire che Leandro non dia a Monodda) Ah Leandro!
Lean. Sciô Ottavio non me trattegnî ve ne prego.
Mon. Eh eh sciô Leandro. (impaurito a Leandro)
Ott. In grazia. (ritenendo Leandro)
Lean. (in atto di batter Monodda) Lascæme sfogâ a mæ bile. Vœuggio vendetta!
Ott. In grazia d’un vostro amigo, non ghe fæ mâ.
