 |
Questa pagina a no l'è stæta corretta. | |
vaggo a çercâ un Avvocato per piggiâ pareì da stradda, che devo tegnî per rompî questa macchina. (via)
Geronzio solo.
Ger. Cose mai pœu êsse questo intrigo! pezo ancora che o sò. Mi non comprendo, cose se posse fâ de pezo! Trœuvo che conchiude un matrimonio senza o consenso de sò poære, a sæ un azion, chi sorpassæ tutto quello, che se posse immaginâ de cattivo.
Geronzio, e Leandro.
Ger. L’ê chì quello bello arneize!
Lean. (correndo verso Geronzio per abbracciarlo) Ah pappà caro quanto me consolo de veive de ritorno.
Ger. (rifiutando d’abbracciarlo) Adaxo: parlemmo un poco insemme primma de questo.
Lean. Permetteime pappà caro, che ve dagghe un abrasso, e che...
Ger. (ributtandolo) Adaxo ve diggo.
Lean. Comme! ricusæ che ve dagghe un segno do mæ affetto abraçandove cordialmenre?
Ger. Scì... ghe quarcosa da discorrî fra noî doî.
