 |
Questa pagina a no l'è stæta corretta. | |
Arg. No son bon, e son cattivo quando vœuggio. Finimmo questo discorso che me vegnan i fummi a ra testa (a Tiburçio). Và via tì pendin da forche, và a çercâ quello mascarson de mæ Figgio, che mì anderò a trovâ o sciô Geronzio per contaghe a mæ desgrazia.
Mon. Se posso servîve in quarcosa, comandæme sciô Argante.
Arg. Te ringraçio. (a parte) Ah! per cose âlo da êsse figgio unico, e non me sæ restaò quella figgia per deciarâra mæ erede. (via)
Tiburçio, Monodda.
Tib. Confesso che veramente ti è un grand'ommo. Veddo che o tò affare comença a piggiâ boña ceiga. Me començan a mancâ i dinæ per a nostra sussistença; e avemmo a e trosse da gente, che ne froscian.
Mon. Lascia fâ a mì; a machina l’ho trovâ. Vaggo çercando solamente in a mæ testa un ommo fidato, chi me posse finze un personaggio do quæ ho de bezœugno. Vegni chì. sta drîto. carcate un poco o capello a moddo da taggia e squarça, aîa brusca, uña man sciù o fianco, guardame da araggiaò. marcia un poco da Rè de teatro. Benissimo, benis-
