 |
Questa pagina a no l'è stæta corretta. | |
per chi t’ha misso a o mondo? Ti hæ avuo tanta insolença de conclude un matrimonio sença o mæ assenso? Respondeime birbo... mascarçon, sentimmo un poco cose ti me sæ inventâ per tò giustificaçion? Ma che diavo stæ lì duo comme un pascion! pareì uña statua?
Ott. Perchè me pâ de sentî mæ Poære chi parle.
Mon. L’ê giusto per questa raxon, che doveì fâ in manera de comparî innoçente.
Ott. Dunque vaggo a apparegiame, e a studiâ un poco ciù de manera per responde con francheçça.
Mon. Dî da veì?
Ott. Diggo da veì.
Tib. L’ê giusto chì vostro Poære.
Ott. Ahimè mi son perso. (fugge)
Monodda, Tiburçio.
Mon. (chiama Ottavio) Sciô Ottavio... sciô Ottavio aspetæ. Sciô Ottavio? o scappa co pâ pezigaò da e vespe. Che razza d’ommi... Sentimmo un poco questo vegio...
Tib. Mi no sò cose imbroggiaghe.
Mon. Lasciame parlâ a mì, e tegnîme corda.
Argante, Monodda, Tiburçio.
Arg. (credendosi solo in fondo del Teatro) S'è mai sentío a o mondo un’açion pareggia de questa?
