 |
Questa pagina a no l'è stæta corretta. | |
Mon. Zà o saveiva.
Ott. E che Leandro e mì foimmo lascæ da i nostri Poæri; mì, sotto a direzion de Tiburçio; Leandro sotto a tò.
Mon. Ottimamente. E mì ho esercitaò a mæ carega a doveì.
Ott. Doppo quarche tempo Leandro o fè amiçizia con una Zingara forestera de boña grazia, e o se n’inamorò.
Mon. Sò tutto.
Ott. E siccomme semmo cari amixi, o me fè confidenza do sò amô, e o me condusse a veì questa Zovena, che a troveì veramente de boña grazia, e bella; ma non però tanto quanto lê voreiva, che l’avesse trovâ: perchè o non se saziava mai de fâme panegirici de virtù, dro spirito, da boña manera de questa sò Galante. A segno de rimproverame, se per âtre raxoin avesse cangiaò discorso. Accusandome, e façendome un delitto, dell’indiferença, che mostravo de questo sò fœugo amoroso.
Mon. Non comprendo dove vagghe a finî questo affare.
Ott. Un giorno, che l’accompagnavo verso l’abitaçion de questa sò bella, passando per uña stradda fœura de man, sentimmo in un mezanetto d’uña povera casa dri centi, e de desperaçioin. Interoghemmo uña donna de caroggio cos’è sta cosa? A me responde sospi-
