 |
Questa pagina a no l'è stæta corretta. | |
ninte d’impossibile. Ho reçevuo da o Çê un talento sfasciaò per tutto, e fabriche de galanteria de spirito, de machinette inzegnose, che o volgo ignorante ciamma furbarie, e senza vanitæ posso dî, che son ben pochi quelli ommi, che aggian aquistaò ciù lode, e gloria, che mì, in çerti intrighi fastidiosi de questo nobile mestê. Ma a a giornâ d’ancœu o merito è troppo strapassaò, e ho renonçiaò a tutto, doppo un affare destumagoso, chi m’ha fæto suâ o pendin d’oreggie.
Ott. Comme Monodda? Cose è stæta sta cosa? cose t’è intravegnuo?
Mon. Un interesse chi me fè scorossâ con a giustizia.
Ott. Con a giustizia?
Mon. Sì signor litigassimo quarche tempo insemme con a Rota criminâ.
Ott. Tì, e a Rota criminâ?
Mon. Sì signor, mi e a Rota criminâ, che a me feçe un desgaibo, che non me o scorderò mai ciù, e pigeì a resoluçion de non fâ ciù ninte, desgustatissimo dell’ingratitudine dro secolo. Però non tralascæ de contâme un poco i vostri açidenti.
Ott. Ti devi dunque saveì caro Monodda, che o sciô Geronzio con mæ Poære se son imbarchæ doî meixi fa a fâ un viaggio insemme per çerti negozj de mercanzie, che han per conto, e meitæ.
