Pagina:Rime diuerse in lengva zeneise 1575.djvu/8

Da Wikivivàgna
Sata a-a navegassion Sata a-a serchia


E ri pessi d'arinto brillarin
E Nettun senza in testa se gh'inchinna.

E ro Só per no cuoexera s'asconde
Ma ghe fa lume in cangio ro sò viso,
Ro vento treppa in tre suoe trezze bronde

Ma no treppo zà mi, perchè m'aviso
Che s'a se vè si bella dentro a i onde,
Che a no ame sarvo lé come Narcizo.


A ro Segnó Don Zane d'Austria.


Se ben ra lanna havei ben scarlassaou
E deto havei dre bastoné da chen
A questi chen chi n'adentan si ben
Chi ne favan tremá de fá baou baou.

Prima che re sò chiaghe aggian sanaou
De novo sbattuggiá ve ri conven
Perchè dre bastoné presto ri chen
Uzan guarí chi no ne tra ro sciaou

Trénero donca, e ro paeize c'han,
Chi è maou dro nostro assé, levéghe ancon
Perchè moé chiu mastin posse adentáne.

E suportá no dei ch'un Turco can
Dro sepolcro de quello sea patron
Chi morì su ra Croxe per sarváne.