Pagina:Rime diuerse in lengva zeneise 1575.djvu/13

Da Wikivivàgna

Donca se no son giano e affiagao
Ne chianzo sempre como ri figi[u]o,
Voi no ve crei Minetta ro me cuo
Che per voi notte, e di caghe bruxiao?

Sachié che tanto fuogo è in mi serrao
Che o no me lascia lagrimá de fuo
Che ra sciama l'humó sciuga a ro cuo,
E fuo me fa parei rosso e affogao.

E s'intra vostra dose fontanetta
No me lascié ra testa subaccá
Fin che ne sciorbe quarche goraretta.

Chi sola esto gran fuoego puo amortá
Ro cuo me bruxierà per voi Minetta
Ch'in tanto fuogo o no puo chiù durá.

Arvime ra caná,
A ro men, dra fontanna si gusteive
Se no vorei ch'intra fontanna beive.


Antigamenti quando in quarche luogo
Chiuma d'unna gallina era trovao,
Da chi insciva esta chiuma, era spiao,
S'era quarche marotto in quello luogo.

Ma Zena ha aura ra gora in si má luogo,
Che quasi ogn'un ghe mangia de perao,
Che questo uso de Franza hemo portao,
Si che aura peira Zena in ogni luogo.