 |
Questa pagina a no l'è stæta corretta. | |
Questi son l'un dell'atro deferenti,
Che savio domandoù muoe no vireì,
Ch'o responde si presto, comme fa
Un goffo, chi presumme, e poco sà.
8
Che l'hommo saccie quant'o puoe saveì,
Saccie comme saveiva Salomon,
Ch'o no sà ninte, s'o no sà taxeì,
Tegní ra lengua, quand'è de raxon,
Dirà, se l'è sercoù ro so pareì,
Ro giust'e ro deveì senza passion,
Ch'un bon conseggio, chi no lascia errá,
Spesso l'e miegio aggiutto, che o diná.
9
Chi poco, e ben desidera parlá,
No digghe solamente verité,
Re verité son poche, e gh'è da fá,
Che l'hommo posse haveine quantité,
Re boxie dan sempr'in deruá,
Nascian comme ri fonzi sempre assé,
Che, per fane cré unna, ne dí diexe,
Comme se fa piggiando re seiexe.
10
S'attruoeva quattro sorte d'animé,
Unna, che vivi e morti saran buoin,
Atri, che vivi solo han ra bonté,
Atri non buoin, se no doppo ra fin,
Atri, che vivi, e morti no son muoé
Buoin a nisciun, e grendi, e piccenin,
Questo è ro lovo à tutti si odioso;
Così è l'ignorante, vitioso e l'otioso.
