 |
Questa pagina a no l'è stæta corretta. | |
20
Doppo ven ra Santa Spin-na,
Co a Madonna inzenoggion.
Che dro Çe faeta Regin-na
De ra nostra Redençion
Ghe vegnuo da o Paradiso
Per Gabriello o primmo avviso.
21
Darà termine a o sciaratto
Ra contrà tutta de Prè:
Eivo Brigida là in atto
De mirà dentro dro Çe,
E saveine presagî
Quello ancon, chi ha da seguî.
22
Con ra soeu Divin-na man
Ne presenta ro Segnou
Ro soeu corpo reiso pan
A ra Santa, chi a l'ônou
Coscì d'êçe consolâ
E da Dio communighâ.
23
Quell'Apostolo che a Dio
De dormí zà sciù ro sen,
L'ebbe o don coscì gradio
Per a stradda se ne ven,
E poi Giacomo e Leonardo
Non daran de ciù ritardo.
24
Za finie son re Caçaççe;
Finij son tutti i sciaratti:
Poeuan seguri sciù re ciaççe
Rangognâ ri chen, ri gatti,
Per che ognun za se remen-na
Per andâne presto a çen-na.
