 |
Questa pagina a no l'è stæta corretta. | |
5
Sciù o cavallo regaggío
Eivo arriva Zorzo Santo,
Che o dinâ ten custodío,
E che sempre u l'à ro vanto
De mirâ ri soeu bigettti
Cari ai ricchi, e ai pôveretti.
6
Sant'Antogno, e San Paolin
Vegnan doppo accompagnae,
E sunando o campanin
Dan ro segno a ri sò frae
De marciane in procession
Duri ciù, che ro passion.
7.
Poçan presto ri sciorbetti
Re Signore a ri barcoin,
Per mirà politi, e netti,
Lsti ciù, che i Palladin
De Signori un vasto coro
à portâ San Pê, e San Poro.
8.
Miae re donne in ciaçça nœuva
Tutte in riga squadronnae:
Unna mangia, unna se proeuva
A ciarlâ con quârche frae
Dra Caçaçça lì vexin-na
Dro Guerriero dra Marin-na.
9.
Atra intanto a re soeu amighe
Va porzendo o fiasco pin
In sollievo dre fadighe
Pe asazzane un pô ro vin,
E fra tanto và a spontâ
Sant'Antogno da ro mâ.
