 |
Questa pagina a no l'è stæta corretta. | |
Mi l'ò sempre sentio dî,
Che no basta incomençâ,
Ma besoeugna proseguî
Ra fugaçça per guagnâ;
E per questo re mae rim-me
Sciortan foeua doppo dre prim-me.
2
Giufto appunto ai trei de Mazzo
Tutti chi son sciarratae,
Per e stradde fan dro ciazzo
Re Sciorere, e i Canderae;
E in ciù loeughi e Rendeio[e]ue
Brustoliscian re nissoeue.
3.
Dro Besagno da ro prao
Eivo chi de Çitta Santa,
Impiegando tutto o sciao
Za ra squaddra chi decanta,
Che a l'è elletta per favou
Giardinera dro Segnou.
4.
Doppo ven con devoçion
Barbottando Miserere
Sença pompa ro squaddron,
Chi costum-ma re preghere,
Díne adaxo, e cian cian-nin
Comme fan ri Capuççin.
