 |
Questa pagina a no l'è stæta corretta. | |
9
Ri fradelli son dro Moro,
O a dì mégio dre Foxinne;
Oççervæ ro doggio coro,
De garçoin, de pellegrinnæ,
Che re glorie dro so Santo
Van stropiando con ro canto.
10
Và spontando adaxo, adaxo
Chi voeu vedde, e voeu toccà
Me capí? o l'è San Tomaxo,
Chi ghè poco da oççervà
Son vestíi da penitenti
Senza sea, e senza argenti.
11
De galoppo ven in sciù
Ra sò Cascia accomoddá,
Ro capuçço tirao zù
An ri frae, perche me pá
Che i Camalli tutti quanti
Seggian sempre dilettanti.
12
Tutta mesta, e addolorá
Ra gran Moere dro Segnou
Ro so corpo a fá oççervá
Pin de ciaghe a o peccatou,
E dre nostre iniquitæ
A domanda a Dio pietæ.
13
Eivo chi de teja d'argento
Tutto d'oro trapontao,
A despéto de ro vento
Ro Stendardo inalberao
E l'immagine con lè
De San Giacomo de Prè.
