 |
Questa pagina a no l'è stæta corretta. | |
18
Chi è questo, che a cavallo
à in man ra forte lança,
e o a ficca in mezo a pança
dro brutto tradittou?
San Zorzo glorioso
dre figgie a Squadra canta,
che ra Çittae se vanta
d'aveì per Protettou.
19
Tutti trappontae d'oro,
poi spontan treì Fradelli,
che van politi, e snelli
duri comme un pascion.
Dixan d'in stradda Giulia
aora ven cian cian-nin
d'Antogno con Paolin
ricca ra procession.
20
Ri Dilettanti stanchi
da a gita de Sarzan,
de noeuvo torneran
ra cascia a cammallà:
Frae de San Pè e San Poro
serchaeghe dell aggiutto,
perch'o l'è un caeto brutto,
se in taera a veddo andà.
21
O Pellegrin-ne addio
addio recammi, e argenti
addio canti e instromenti,
tempo è de rangognà.
Sento za u miserere
sbraggià ben da lontan,
ri Frae poi vegniran
d'Ambroeuxo a barbottà.
