 |
Questa pagina a no l'è stæta corretta. | |
14
Eivo chi riverente
Gabrielle inzenoggion,
che a nostra Redençion
u ven a palesà
A-a Vergine Maria,
che o gran decretto Eterno,
rovin-na de l'inferno
a stava a medità.
15
A-a vista dro cavallo,
e a quella dro bordon
van tutti in strambaellon
ri Mori spaventae:
de Giacomo l'è a força
ch'a i rende arençenii,
e lascian lì abeçìi
de Spagna re contrae.
16
Miae chi quattro Casaççe
unie, co l'è un piaxei
Consoà prim-ma veddiei,
Giovanni poi vegnià,
con festa, e con bardoja,
e senza alcun riguardo
de Giacomo, e Leonardo
l'argento luxirà.
17
[B]rigida poi quest'anno
[...] se n'andià inderrè,
[...] così tutto o Quartè
[...]ediemmo terminoù;
ma sento e Pellegrin-ne
sbraggiáne in áta voxe,
veddo spontá un-na Croxe,
me vòzo in àtro loù.
