 |
Questa pagina a no l'è stæta corretta. | |
6
Ecco, che sciù ro monte
ro Redentou Divin
in mézo a doi Laddroin
co-a Cròxe, u se ne và
e intanto, che u Sudario
Veronica gh'accosta
so Immagine li apposta
stampà ghe resterà.
7
Miremmo un pò ra Cascia
che ben accommoddà
fioria, e illuminà
a ven zu cian ciannin;
quest'anno i Dilettanti
con tanto camallá,
se voeuran scortegà
re spalle pe-o cammin.
8
Ro Pellegrin de Spagna
o vedde ra Madonna
in Gloria sciù a colonna
mentre u[sic] ne fa oracion
e intanto ch'o n'intende
ro soeu Divin comando
devoto u a và adorando
umile in zenoggion.
9
Mirae là ri Giudei
che tutti invexendae
san Stéva co-e sassciae
procuran d'ammaçça
frattanto ro Çe avaerto
e dro Pouae Eterno a-adrita
Gesù bontae infinita,
le o ne pourrà mirà.
