 |
Questa pagina a no l'è stæta corretta. | |
2
Ghe mancherae l'intrigho
de guiddà re Ragaççe,
a Zena pe-e Casaççe
mostràghe in procession:
essendo un pò vegietto,
e tardo assè de gamba,
farae figura stramba
parieiva un marmotton.
3
Da-o Ponte de ra Pilla
sciu o Proù za s'incammin-na
ra squaddra Pellegrin-na,
che Çitta a canterà,
a-o son de ri instromenti
andemoçe accostando,
a-e Pòrte rimirando
quello, chi seguirà.
4
Semmo zà dentro Zéna;
mirae quanti sciaratti,
per fin-na i chen, ri gatti
son tutti invexendae.
crian guarda ri cammalli,
e liste i garçonetti,
se veddan ri sciorbetti
girà per-e contrae.
5
Ne ven zù da-a marinna
quello, che a çento, a çento
dri diavi o fà spavento
con stane in oraçion,
ro seguita d'appresso
ro Serafin d'Assisi,
che ha con Gesù divisi
ri segni dra Passion.
