 |
Questa pagina a no l'è stæta corretta. | |
Che no sbaglian de segûo,
Perchè ho ûn çerto Cannocciale
D’invenzion originale
A-a rumford, chi vedde a-o scûo;
O l’ha treì cannoin de raso,
(Duî pe-i êuggi, e ûn cioè pe-o naso)
Meze lenti de cristallo,
Rosso e verde pappagallo,
C'un gran mànego de legno:
Chi se o sa ben mette a segno
Con tegnîlo senza man,
E ammiâ sempre da lontan,
A lûxî o Sô, comme a ciêuve,
O futûro pêu descrêuve
Ancon megio che o presente;
Ma bezêugna andâ in sc’ûn schêuggio
Nè sciaccâghe mai de l'êuggio;
Cannocciale sorprendente,
Nêuvo affæto, straordinajo!
Finn-a a-i orbi necessajo,
(Meno quelli senza naso)
Che in linguaggio do Parnaso
O se ciamma, stæ a sentî,
Cannocciale da Speranza,
Ma che in Portoglian vêu dî
Allegrezza in lontananza!
Vêuggio dâghe ûnn’ammiadinn-a,
Dæ ûn pö mente a-o Sciô Reginn-a,
Cos’o vedde o ve contiä:
Ma zà a tûtti o no piaxiä....
Non importa.... metto man;
Primma vista da lontan:
