 |
Questa pagina a no l'è stæta corretta. | |
Bar. Mi perbacco sæ contento
De sciortî d'in sta baracca
E son chì che in mæ zûamento
No so quante n'ho in ta stacca
Ohe cammeadda stemmo all'occi
Ch'o l'é zêugo de canâ
Ammïa ben che se ti bocci
Ti væ a fâte mincionnâ.
Giac. Veddo ben ch'o l'é o momento
Che a mæ sorte a se combatte
Dä speranza, da-o spavento
Tremmo tûtta... o chêu o me batte
Ma ciù çerco ûnn-a sciortïa
Ciù me trêuvo imbarrazzâ!
Ah se a sorte a no se gïa
Mi no sò comme a l'andiâ
Bepp. Lucch.e Togno
O l'é ûn cæto, o l'è ûn intrigo
Ch'o me spaxima o çervello
Ma ciù innaspo, ciù destrigo
Ciù s'imbroggia o rumescello
Se no fosse pe-a scignöa
Ch'a n'ha ninte da guägnâ
Per mi a sæiva ûnn-a demöa
Se i vedesse abberrûffâ!
Giac. (piano a Valerio) Mi tremmo oh Dio Valerio!
Val. (piano a Giac.) Aoa ghe son ..... coraggio
Tom. Ecco .... ghe diö
Val. Spieghiamoci
Per me questo è un oltraggio
Sono chi sono e cedere
Non voglio a chicchessia
Tom. Ma mi... ..
