 |
Questa pagina a no l'è stæta corretta. | |
TOM. Oh insomma sciö mëgo
Ho a figgia marotta
Sciä vegne che o prego
Pe l'ûltima votta
Oh corpo de bacco
Se sciä me secchiä.
Usiö de sto bacco
Pe fâlo doggiâ.
LUC. Sciä l'ha de sciortïe ,
Scä scûse Dottô
Ch'en roba da rïe
Ghe fan disonô
Allon sciä se doggie
Che dunque o padron
Pe ûn pö che a ghe boggie
O dêuvia o baston.
BAR. Ma perdingolinn-a
Gh'êu tanto a capî
Che sò de mexinn-a
Ciù poco che voî?
Ma cose ho da fâ
Se mëgo nö son?
Lasciæme quietâ.
Finimola, allon!
TOM. Zà che l'é inûtile
Digheo co-e bonn-e
E sciä vêu proprio
Che mi o bastonn-e
Sciä se contente
Sciä piggie chì (lo bastona)
BAR. Ahì ahì!
TOM. Sciä e sente
BAR. De botte a mi?
LUC. Se scia-e dexidera
Se sciä n'ha coæ (lo batte)
BAR. Sei ûnn-a manega
De mandilæ
