 |
Questa pagina a no l'è stæta corretta. | |
Oxellin, ti ë sensa ciûmme,
agnellin, ti n'hae de lann-a;
l'é giassôu l'aegua do sciûmme,
sciûscia freida a tramontann-a;
ma in ta grêuppia, in mëzo a-o fen,
cäo bambin, ti ghe stae ben,
in ta grêuppia da cabanna
ti fae a nanna.
Ti fae a nanna savio: - arriva
tanti angieti poi da-o çê,
e i pastoî vegnan co-a piva;
sà i zeneixi e sà i foestê
che o mae bae, che o mae figgiêu
o l'é chì tra l'aze e o bêu,
o l'é chì in te ûnn-a cabanna
c'o fa a nanna.
