 |
Questa pagina a no l'è stæta corretta. | |
(cronaca zeneíze)
Primma de tûtto, tanto
pe dâvene ûnn'idëa
coscì all'incirca, ûn canto
chì da nostra rivëa;
ûnn-a brûtta giornâ
d'ottobre, c'ûn baexìn
chi mette futta; o mâ
bollezzûmme, e di öchin
che in sce quello remescio
de aegue, van a sghêuo
in gïo, pe beccâ o pescio:
o paise mezo vêuo:
di figgiêu lì pe-a spiaggia
o in scï schêuggi pe zin,
quarche donna chi sbraggia,
ûn viandante.... in sciä, fin
Pria Ruggia: in sce ûnn-a rocca,
proprio a picco do mâ,
ûnn-a vëgia bicocca;
vëgia, ma ben ciantâ:
