 |
Questa pagina a no l'è stæta corretta. | |
A no pä manco da credde
comme, quande o sangue o bogge,
paan e cöse che se vedde,
dogge e sence, sence e dogge:
gh'é in sce tûtto comme ûn vello
cô de reuza o celestin...
e alloa a testa a fà o moinello,
balla o chêu o peligordin.
Aoa veddo e scanso o lammo
fasso o sordo a ogni reciammo:
chì m'annojo, là m'angoscio....
mascherinn-a, te conoscio!
I ommi e e donne i veddo comme
son de drento e son de fêua;
ciammo e cöse cö sò nomme,
e co-i anni ho faeto schêua:
n'é tûtto öu quello chi lûxe,
che se vedde dä lontan,
e chi briga p'ëse dûxe
o n'é poi che ûn ciarlattan:
