 |
Questa pagina a no l'è stæta corretta. | |
(Da San Barnaba)
Do mae bello San Barnaba
no gh'é tosto ciù ninte;
o quaddro o va sfasciandose,
se van perdendo e tinte:
dove l'é ciù o paisaggio?
o l'é quaexi sparïo:
Zena a se fà coraggio,
e a monta sciù d'asbrïo.
Pêu däse ch'agge torto:
me piaxeiva ciù assae
a villa, a fascia, l'orto;
e veddila a çittae
là in fondo; o sò rûmô
sentîne e o ramaddan
comme ûnn-a voxe, ûn fô
ch'arrive da lontan.
Voeì mette quella paxe
ch'a saiva de convento!
e, mentre tûtto taxe,
o lûo lungo do vento;
40
