Pagina:Malinverni C. Bolle de savon 1921.pdf/39

Da Wikivivàgna

E doppo? - a cantilena
do Steva pe-a çittae:
«viva ra nostra Zena,
viva ra libertae!»[1]

Perchè, sacciaelo, o popolo
ciù bon quande o s'addescia,
addio vexin!... i austriaci
scappan in quinta e sprescia....
De faeti doppo ûn secolo,
con tûtti i sò Radeschi,
a no ghe dà o viavattene
l'Italia a sti tedeschi?

e dalli, e picca, e arrosa
i emmo desenteghae;
ma... ma gh' é ancon quarcosa
che aspëta a libertae:
se dixe che in politica
bezêugna dêuviâ e pinse:
mi sento intanto o popolo
chi sbraggia ancon: che l'inse?...

1914.

39

  1. STEVA DE FRANCHI: Ra Libertae vendicâ l'anno 1746 a ri 10 Dexembre.